سلسة من قصص التشريد
نياها نياهااااا
بحب انا الحاجات دى موووووووت
هههههههههههه
هشردكوا عضو عضو إن شاء الله هههههههه
وهنبدأ النهاردة إن شاء الله بدكتور بووويت
كل شىء انكشفن وبان يا محمد ...هتتفضح يعنى هتتفضح...
تبدا الاحداث من مدرسه أمين الخولى بنين حيث يقضى محمد اصعب فتره فى حياته بعد كى جى تو(الثانويه العامه)..وطبعا زى ما احنا عارفيين ان بطلنا فى موضوع الدراسه ده نص لبه بصراحه والكل عنده فى البيت متوقعله انه يدخل معهد لاسلكى فرع السلوم لكن بطلنا طموحه وعزيمته كانت اعلى من كده ودايما يقولهم بروح البطل : طيب انا بقى هوريكم انى اقدر ادخل فرع الصومال ..(قال يعنى فرقت معاه)...وكانت الحاجه على طول تقوله ابقى قابلنى لو فلحت ياض يا محمد .. كله من الواد فيو صاحبك ده هوه اللى مبوظك...
المهم خلص بويت الثانويه على خير...وكانت المفاجاه..بويت نجح يا رجاله وجاب 70% يعنى ضامن على الاقل انه يدخل حاجه جوه مصر(مين قدك يا عم)...وزى ما كان متفق على انه لو نجح يجيبوله موبايل ...وقف بويت قدام ابوه قائلا(بثقه ليس لها مثيل):يالا يابا قب بالمعلوم...فنظر اليه والده بقرف قائلا:وليك عين كمان؟ على ايه يعنى؟على المجموع الزفت اللى انت جايبه...فقال له بويت :بص يا حاج لو ممعاكش فلوس قول..عادى متتكسفش يعنى؟..
زييييوووو...هوى الحاج بشلوت انما ايه على مؤخره بطلنا قائلا:انا معييش فلوس يا معفن...واهوه كله فى الاخر مصروف عليكو..
وبعد محاولات مستميته حصل بويت على 250 جنيه ومكدبش خبر نزل على طول لاقرب محل موبايلات ...وكانت الصدمه العدد فى العلالى قوى واللى معاه يا دوب يجيب 1100 وخط من ابو 15 جنيه..وظل بطلنا حائرا مش عارف يعمل ايه؟...لكن استقر فى النهايه انه يجيب ال1100 دلوقتى وخلاص ...
دخل بويت المحل وبالفعل اشترى العده والخط والعمليه بقت اخر حلاوه...وبويت من ساعتهاطبعا نازل رنات ورسايل على ودنه على اصحابه لحد ما زهقهم عالاخر..(عيل وفرحان بقه)...
ومرت الايام...وجه موضوع التنسيق والكلام ده ..وزى ما انتو عارفين القى ببطلنا فى كليه سياحه وفنادق...
وجاء اول يوم دراسه...وبويت نازل لابس الحته اللى على الحبل طبعاوحاطط برفان من الاسبشيال(تركيب عم حمدى بتاع الطرشى)...وماسك العده فى ايده وكل شويه يلعب فى الكشاف اللى قدام..(كده البطاريه تخلص ياعم الحاج)...
المهم وصل بويت الجامعه بسلام ودخل المدرج وقعد فى البنج فى انتظار المحاضرات...وبينما هو يلتفت بجانبه اذ به يجد فتاه غايه فى الجمال والرقه...فاقترب منها بطلنا قائلا:احلى سلام وتحيه واحنا قاعدين عالطبليه...فنظرت اليه الفتاه بدهشه ثم ابتسمت ابتسامه خفيفه دون ان تلتفت اليه...فسالها بويت وهو يبتسم ببلاهة انت معانا فى المدرج؟(دا ايه الغباوه دى؟ امال قاعده بتعمل ايه يعنى؟) فاومأت له براسها:ايوه..فقال لها:طب ممكن اعرف اسمك؟فردت عليه:اسمى امل...فقاطعها محمد:وانا محمد ...واسم الشهره بويت ..ومعايا 1100
فقالت له الفتاه:واضح ان دمك زى العسل...
وبدات من هذه اللحظه علاقه صداقه قويه بين محمد وامل.......(ايوه يا واد خدت الشحروره)...
ومر شهر من بدايه الدراسه والصداقه تزداد شيئا فشيئا...الى ان جاءت اللحظه الحاسمه...
فوجا محمد بامل داخله المدرج وفى ايديها (ان 70 )وسلمت عليه كالعاده...فقال لها محمد :ايه ده جبت العده دى منين؟اوعى تكونى علقتيها من حد؟فقالت له :لا لا دا بابا جابهالى امبارح وهو راجع من الامارات...فقال لها محمد وهو يتحسس العده بتاعته :الف مبروك يا جميل..وتابع قائلا وهو يخرج الموبايل من جيبه:طب ممكن اخد منك حاجات بلوتوث بقه؟...فقالت له وهى تضحك...تعرف هوه ده اللى عاجبنى فيك انك على طبيعتك ومش متكلف...
وانتهى اليوم وعاد محمد الى بيته وهو شارد الذهن ويحدث نفسه طب كده اعمل ايه...؟بقى شكلى وحش قوى قدامها...لكن لأ لازم الاقى حل...
ونظرا للارهاق الشديد..مجرد ما دخل البيت حتى راح فى نوم عميق الى ان استيقظ فى منتصف الليل...وقام وهو بيتمطع على السرير وهو يصيح بصيحته المشهوره(عااااااااااااااا)...اذ بالحاج يرد عليه قائلا:انت يا حيوان وطى صوتك شويه وانت بتنعر عايزين ننام..وفضل بطلنا انه ينفض(مش وقت شلاليت خالص)..وبالفعل قام محمد وعمل كوبايه الشاى اللى هيه ..عشان يفكر بمزاج...وبدأ فى التفكير...دلوقتى انا عايز اجيب
ان70 ومصروفى 100 جنيه فى الشهر يعنى لو صرفت نصهم وخليت نصهم والعده ب2000 يبقى قدامى ان شاء الله مش اقل من سنتين عشان اجيبه..لا لا اكيد فى حل تانى....جمعيه؟ لا بلاش اخر مره عملت جمعيه معرفتش اكمل واتاكلت علقه محترمه...امال اعمل ايه بس؟...ويبدو ان بطلنا استسلم للامر الواقع...ثم تابع قائلا:اما اقوم اشوف النت شويه بلا وجع دماغ..وفتح محمد النت وعمال يفتح فى اى مواقع..وفجاه...لقى خبر حس ان فيه حل كل مشاكله...وكان كالتالى:عثرت بعثه المانيه تابعه لهيئه الاثار مقيمه فى مصر على( سروال) الملك رمسيس السابع ويتوقع ان هناك العديد من الكنوز الاخرى المدفونه بداخل الاهرام المصرية...وستبدأ البعثه غدا فى التنقيب داخل الاهرامات...وفى هذه اللحظه لمعت فكره عبقريه فى راس بطلنا فصاح بصوت عالى هيا دي..وهنا زمجر والده قائلا:انت يا زفت ماتتهد وتنام ورايا شغل بكره وعايز ارتاح...فرد قائلا:ماش خلاص هنام اهوه...واستلقى محمد على السرير وهو يفكر فى خطه محكمه للوصول الى الهدف...وظل يفكر ويفكر الى ان غلبه النعاس(يعنى كوبايه الشاى ماجبتش نتيجه..اكيد شاى مغشوش)...
استيقظ محمد مبكرا على غير عادته...ودقائق وكان كله صحى..وبعد الفطار واللذى منه نزل بويت متجها الى الجامعه...وفى الطريق اتصل بامل:الو ايوه يا امل..ايه بتقولى ايه..يا بنتى ابلعى الاكل عشان اعرف اسمع...انت طول عمرك مفجوعه كده...المهم انا هستناك قدام باب الجامعه الرئيسى عشان فى موضوع مهم جدا جدا...خلاص متتاخريش..
نص ساعه وكان بطلنا وامل قدام الجامعه فقال لها محمد قائلا:بصى ياامل انا جاتلى فكره انما ايه...هنبقى انا وانت من اغنى الاغنياء..فردت عليه امل:ايه هنسرق البنك المركزى..ههههههه
فقاطعها قائلا:لا يا فالحه هندخل الاهرامات وندور على الكنز...ونبيعه للاجانب وهوووب نبقى فوق....فقالت له:انت اتجننت يابنى...اكيد كنت نايم مش متغطى...فقال لها :بطلى هزار بدل ما اديكى على قفاك..اسمعينى بقه كده وافهمينى كويس...وبدا محمد فى شرح الخطه..وبعد جدال ونقاش حاد...تم الاتفاق على كل شىء...وفعلا اتجه بطلنا مع (الموله) بتاعته الى الاهرامات...وقامت امل بمشاغله ضباط الحراسه بينما تسلل بويت الى الداخل...
وكانت الدنياطبعا ضلمه كحل ..فاخرج محمد ال1100 من جيبه....(ها هو وقت الزنقه).. وبالفعل شغل الكشاف..وبدا فى عمليه البحث...وهات يا طلوع سلالم ونزول سلالم لحد ما نفسه اتقطع...وفجاه لمح بطلنا شىء ما يشبه الباب مغطى بتراب كثيف...وبدا بويت فى ازاحه التراب..فوجد مكتوب بعض الحروف عليها بالهليوغريفى..المهم بطلنا طنش الموضوع ده وبدا يفتح الباب...وبعد معاناه شديده استطاع انه يزحزحه سنه...ودخل وكانت المفاجاه...دهب. ياقوت. مرجان ....احمدك يا رب..هكذا صاح بطلنا بعد ما لقى كنوز كتيره قوى...وقعد يقول ها! يا ترى اخد ايه؟اخد ايه؟..وبينما هو يفكر....
طااااااااااخ اذ بيد تهوى على قفا بطلنا قائلا:بتعمل ايه هنا ياحيوان...فالتفت محمد الى مصدر الصوت...اذ به يجد شخص ضخم وشبيه بالفراعنه...فساله محمد فى خوف:انت مين يا عم انت؟فرد عليه ذلك الشخص انا رمسيس السابع ياض....فين السروال بتاعى؟...دا انا البرد مظبطنى..فقال له محمد وهو مرعوب:انا ماخدتش حاجه ماليش دعوه...فقاطعه رمسيس قائلا:انت هتستهبل..انا عارفك واخد السروال وجاى تاخد الفانله صح؟...فقال له محمد :لا والله معرفش اى حاجه عن الموضوع ده...فصمت رمسيس لحظات ثم قال:طب وانت ايه جايبك هنا بقه؟...فحكى له محمد حكايه ال (ان70)من اولها لاخرها...فقال له رمسيس :كفايه يبنى دا انت قطعت قلبى ..طب بص..هنتفق على حاجه ادينى البنطلون الكراش اللى انت لابسه ده احسن البرد جابلى روماتيزم.. وانا اديك الدهب اللى انت عايزه وتبيعه وتشترى اللى انت عايزة يا عم استبينا؟..سكت محمد شويه ثم قال :على الرغم انه من توكيل التوحيد والنور الا انى موافق...استبينا يا برنس...
وبالفعل اعطى محمد البنطلون لرمسيس...وخد الدهب اللى عايزه...واتجه بويت الى الخارج قائلا:الف شكر يا باشا على الواجب التمام ده...
لحظات وكان بويت خارج الاهرامات...وتسلل كالعاده من وراء الضباط...
ولكن امل كانت فى قمه الغضب:فاتجهت نحو بطلنا..قائله:ايه ده كله..دا انا زهقت عماله اجيب فى مواضيع لحد ما خلاص كنت هتكشف..
ثم تابعت..المهم ها عملت ايه؟فقال لها بويت :كله السطه ..ياللا احنا بقه من هنا...فقالت له وهى تضحك:ايه ده امال فين البنطلون بتاعك؟
فقال لها دى حكايه طويله هحكيهالك بعدين....
وبالفعل وصل بويت الى البيت وهو يمنى نفسه ...قائلا:ياه..اخيرا هجيب كل اللى نفسى فيه...
وتانى يوم نزل بويت عشان يبيع الدهب ...وكانت المفاجاه.....
اكتشف بطلناان الدهب طلع فشنك...(مضروب يعنى)...ومن الاخر عم رمسيس طلع صايع و لبسه العمه.... وضاع البنطلون .. وضاعت معاه الاحلام....
وتعيش وتاخد غيرها يا بويت .....
وماله ال1100 يعنى...
هههههههههههه
اى خدعة
وانتظروا ضحية جديدة قادمة
موضوع: اووووووووعى وشك ... كله يدخل ويتفرج على dr_poet وهو متشرد هههههههه 
الخميس أغسطس 07, 2008 8:51 pm
