حلم شاب جريء

آه واحتار فلبي وعنيا...............................في اللي جرالي الليلة ديا
وقبل ما تنزل كلمة نهاية..............................أدي حكايتي من البداية
لما مرة كنت ماشي..................................و الطريق كله زحام
شفت بنت ماشية جنبي...............................مهما قلت من كلام
ما قدرت أوصف جمالها.............................قمت ماشي في خيالها
ولما جيت وصلت ليها...............................رحت ماسك في ايديها
ولما بصت قلت آسف................................كنت فاكرك صاحبي عاطف
ضحكت وقالت هو صاحبك............................شعره طويل وشكله عاجبك
احمر وشي وقلت أيوة................................أصل أنا لسه سامع غنوة
بتقول ده واحد حب واحدة.............................يدوب ده شافها مرة واحدة
ضحكت وقلت يا سلام................................ده كله كدب والسلام
لما شفتك طار جناني.................................ده صوتها لسه في وداني
معرفش ايه اللي جرالي .............................قوام قوام شقلبتي حالي
قالتلي يا سلام عليك.................................جريء وباين في عنيك
أم قالتلي سبني أفكر ................................بوم عشان أشوف وأقرر
تاني يوم قالتلي دغري...............................دي جرأتك شغلتلي فكري
وشفت في عيونك كمان..............................حنان ما شفته من زمان
قالتلي بينا نلروح لبابا ..............................عشان قوام نعمل خطوبة
ولما رحت أبوها قال ...............................خطوبة ايه يابن الحلال
الليلادي انت عريس.................................ودخلتك يوم الخميس
وعدت الايام بخير ..................................اصل انا كنت في السرير
وصحيت لقيتني ماشي حافي...........................منا كنت نايم في لحافي
فحلفت مش متعشي تاني .............................م الفول بتاع الواد عناني
وتوبة أروح للواد إمام ...............................والطريق كله زحام

بقلم :dr_poet
ايه رايكم انا عايز رايكم بصراحة

ماشي يا دكتور انت أجدت في وصف البنت بس لو كانت حقيقة مش حلم كان يبقي أحسن ولا إيه الواحد مش كل يوم بيقابل بنت بالشكل ده

اولا شكرا علي التعليق بتاعك يا كيما باسا ولكن انا عندي تعليق عليك يا برنس اولا انا كان قصدي انه يكون حلم لانه ما ينفعش انه يكون حقيقة في عصرنا الحالي ثانيا انا كنت باسخر من العصر اللي احنا عايشين فيه للصعوبات التي تواجه الزواج وشكرا لتعليق حضرتك يا باش شاعر

فعلا جامد جامد جامد والعنوان معبر
امتى بقى يتحقق الحلم ده
وابقى قلى فين بتاع الفول ده علشلن انا بقالى كتير ما بحلمش

طبعا وأكيد لازم يبقي حلم وهتلاقي فين واحد يجوزك بنته من غير ما يقولك المهر 1000000والشبكة 2000000والمؤخر100000000واهم حاجة يكون عندك فيلا في الساحل الشمالي مش مهم يكون عندك شقة لكن المهم الفيلا

انت بتقول فيها يا عم كيما انت قلت جزء صغير من اللي بيحصل